É obxecto deste procedemento administrativo facilitar a xestión de solicitudes de inscrición nas diferentes actividades incluídas dentro do programa das Escolas Deportivas, Culturais, Educativas e de Envellecemento Activo que este concello oferta para a tempada 2025/2026.

Estableceranse 3 PRAZOS DE INSCRICIÓN ao longo do curso:

• PRAZO INICIAL para a inscrición únicamente para o programa de  madrugadores abarcará dende ás 9:00 h do 28 de xullo ata ás 14:00 h do 8 de agosto de 2025.
• PRIMEIRO PRAZO de inscrición en todas as actividades, abarcará dende as 09:00 h do 25 de agosto ata as 14:00 h do 12 de setembro de 2025, ou o remate das prazas da cada actividade ou grupo.
• SEGUNDO PRAZO de inscrición para todas as actividades, abarcará dende as 9:00 h do 6 de outubro ata ás 14:00 h do 10 de outubro de 2025. Neste ofertaranse unicamente as prazas que quedaron vacantes no prazo de inscrición anterior.
• TERCEIRO PRAZO de inscrición abarcará dende as 9.00 h do 8 de xaneiro ata ás 14:00 h do 14 de xaneiro de 2026. Neste período ofertaranse unicamente as actividades con prazas vacantes.

As inscricións para todos estes prazos poderanse tramitar dos seguintes xeitos:

• A través da sede electrónica.
• Presencialmente, no Rexistro Municipal do Concello (Casa Consistorial), cubrindo e entregando o formulario de inscrición.

* NON SE ADMITIRÁN INSCRICIÓNS POR OUTROS MEDIOS QUE OS INDICADOS.
** Os impresos de inscrición, poderase recoller nas dependencias municipais ou descargar da páxina https://carral.es/escolas-municipais/.

Observacións no proceso de inscrición:

• AS PRAZAS (de actividades/grupos) SON LIMITADAS e ASIGNARANSE POR RIGOROSA ORDE DE INSCRICIÓN. Unha vez cubertas as prazas da  actividade ou grupo, crearanse LISTAXES DE ESPERA.
• Reservaranse un 10% das prazas para nenos/as con NEAE (necesidades específicas de apoio educativo, como por exemplo TDAH), con NEE con autonomía persoal (HVD: habilidades para a vida diaria), ou en risco de exclusión social.
• No caso de existir coincidencia na data e hora no rexistro da solicitude de inscrición de dous ou máis interesados para a última praza dunha actividade ou grupo, terán preferencia os empadroados en Carral e de seguir o  empate, a praza asignarase mediante SORTEO PÚBLICO.
• Terán preferencia aqueles nenos e nenas empadroados no Concello de Carral ou aqueles nenos que acoden aos Centros Educativos públicos da localidade.
• Non se permite a cesión a terceiras persoas da praza asignada.
• Para formalizar a inscrición é preciso que o interesado/a NON TEÑA DÉBEDAS co Concello de Carral.