É obxecto deste procedemento administrativo facilitar a xestión de solicitudes de inscrición nas diferentes actividades incluídas dentro do programa das Escolas Deportivas, Culturais, Educativas e de Envellecemento Activo que este concello oferta para a tempada 2024/2025.

O primeiro prazo de inscrición abarcará dende as 09:00 h do 9 de setembro ata as 14:00 h do 18 de setembro de 2024, ou o remate das prazas da cada actividade ou grupo.
O segundo prazo de inscrición abarcará dende as 9:00 h do 7 de outubro ata as 14:00 h do 10 de outubro de 2024. Neste ofertaranse unicamente as prazas que quedaron vacantes no prazo de inscrición anterior.
O terceiro prazo de inscrición abarcará dende as 9.00 h do 7 de xaneiro ata as 12:00 h do 10 de xaneiro de 2025. Neste período ofertaranse unicamente as actividades con prazas vacantes.

Todas as solicitudes presentadas fóra de prazo irán a unha listaxe de agarda.
As solicitudes deberán ser asinadas pola nai, pai ou titor/a legal do menor e presentaranse no Rexistro Xeral do Concello ou por calquera dos medios previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Consideraranse admitidos/as todos/as aqueles/as que cumprindo o requisito da idade, acheguen a documentación necesaria e aboen as taxas.