O Concello de Carral, en exercicio destas competencias, e co obxectivo de colaborar coas familias no acceso á educación obrigatoria, establece o Banco Municipal de Libros de Texto. 
O programa ten como finalidade: 

• Favorecer a igualdade de oportunidades no acceso á educación.
• Reforzar a corresponsabilidade das familias no coidado e uso dos materiais.
• Fomentar valores de solidariedade e aproveitamento dos recursos mediante a reutilización de libros.
• Contribuír a reducir o esforzo económico que supón a adquisición anual de libros de texto, cuxo prezo experimentou un notable incremento nos últimos anos. 

A presentación de solicitudes farase dirixidas ao Alcalde-Presidente do Concello de Carral, podendo presentarse por calquera das formas sinaladas no art. 16.4 da Lei 39/2015, do 01 de outubro, do Procedemento Administrativo Común das Administracións Públicas (LPACAP en adiante). Entre as formas indicadas, poderán presentarse no Rexistro Xeral do Concello de Carral (que actuará coma oficina de asistencia en materia de rexistros, segundo o artigo 16.4.c) LPACAP).

De forma telemática a través do botón “Iniciar trámite” ou presencialmente no Rexistro municipal.

O prazo de presentación é do 21 ata o 28 de agosto de 2025.