Poderán ser beneficiarios das subvencións as asociacións veciñais, culturais, organizadoras das festas patronais e outras entidades sen ánimo de lucro, que cumpran os seguintes requisitos:

• Estar legalmente constituídas.
• Que estean inscritos no Rexistro Municipal de Asociacións do Concello de Carral (REMAC), no caso de que a forma xurídica da entidade poida inscribirse. Ao mesmo tempo, os clubs e entidades deportivas deberán estar inscritas no Rexistro Autonómico de Entidades Deportivas de Galicia.
• Ter un número mínimo de 20 persoas asociadas, agás as entidades cuxa única finalidade sexa a organización das festas patronais. En canto ás entidades deportivas, deberán contar cun mínimo de 30 persoas socias.
• Desenvolver as súas actividades dentro do termo municipal de Carral. No caso dos clubs e entidades deportivas, deberán levar a cabo actividades no termo municipal de Carral, sen prexuízo de que, pola propia natureza das competicións ou actividades deportivas federadas ou organizadas por outras entidades, poidan tamén participar ou desenvolver actividades e competicións fóra do termo municipal.
• Non estar incursa en ningún dos supostos de incapacidade ou incompatibilidade para a percepción de axudas ou subvencións públicas.
• Ter domicilio social en Carral.
• Estar ao corrente das súas obrigas coa AEAT, coa Seguridade Social, coa Comunidade Autónoma de Galicia e co Concello de Carral.
• Se a actividade ou proxecto para o que se solicita a subvención ten como suxeitos a menores de idade, deberá presentarse unha declaración xurada de que todo o persoal (incluído o persoal voluntario e contratado para tal efecto) encargado da realización da actividade e que teña un contacto regular con menores cumpre o requisito establecido no artigo 57 da Lei Orgánica 8/2021, do 4 de xuño, de protección integral á infancia e a adolescencia fronte á violencia, e no artigo 8.4 da Lei 45/2015, do 14 de outubro, do voluntariado.