É obxecto deste procedemento administrativo facilitar a xestión de solicitudes de inscrición nas diferentes actividades de conciliación xestionadas por cada corporación municipal.

As datas nas que se levará a cabo este programa serán durante o período escolar non lectivo das vacacións do Nadal 2025/2026: os días 22, 23, 24, 26, 29, 30, 31 de decembro de 2025 e 2 e 5 de xaneiro de 2026.

O horario (luns a venres, excepto festivos) será:

• Servizo Madrugadores: 7.30 a 10.00 h *
• Campamentos: 10.00 a 14.00 h (horario obrigatorio dentro do campamento, non podendo nin entregar nin recoller aos nenos/as durante o mesmo salvo excepcións previamente comunicadas.)
• Servizo de comedor: 14.00 a 16.00 h *

*Nota. Nestes servizos contratarase unicamente o coidado e atención dos menores. Os nenos/as que fagan uso destes horarios deberán traer o seu almorzo ou xantar da casa.

Este programa se desenrolará no recinto escolar do Colexio Vicente Otero Valcárcel (pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade).

Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao Rexistro do Concello, onde lle facilitarán o dito impreso/s normalizado/s para presentar.

O PRAZO DE INSCRICIÓN será dende as 9:00 h do 1 de decembro de 2025 ata as 14:00 h do 12 decembro de 2025.

Observacións no proceso de inscrición:

• Ofértanse un total de 60 prazas por semana.
• AS PRAZAS (de actividades/grupos) SON LIMITADAS e ASIGNARANSE POR RIGOROSA ORDE DE INSCRICIÓN. Unha vez cubertas as prazas da actividade ou grupo, crearanse LISTAXES DE ESPERA.
• Reservaranse un 10% das prazas para nenos/as con NEAE (necesidades específicas de apoio educativo, como por exemplo TDAH), con NEE con autonomía persoal (HVD: habilidades para a vida diaria), ou en ris‐ co de exclusión social.
• No caso de existir coincidencia na data e hora no rexistro da solicitude de inscrición de dous ou máis interesados para a última praza dunha actividade ou grupo, terán preferencia os empadroados en Carral e de seguir o empate, a praza  asignarase mediante SORTEO PÚBLICO.
• Terán preferencia aqueles nenos e nenas empadroados no Concello de Carral ou aqueles nenos que acoden aos Centros Educativos públicos da localidade.
• Non se permite a cesión a terceiras persoas da praza asignada.
• Para formalizar a inscrición é preciso que o interesado/a NON TEÑA DÉBEDAS co Concello de Carral.