Poderán participar no concurso e, por tanto, poderán ser beneficiarios nos termos establecidos nestas bases, os propietarios ou arrendatarios de vivendas ou comercios, maiores de idade, que estean dentro do termo municipal do Concello de Carral, no seu ámbito rural e urbano, e nas que as persoas participantes estean empadroadas.

Os/as participantes deberán cumprir as seguintes condicións

• Estar ao corrente coas súas obrigas tributarias coas seguintes administracións: Axencia Estatal da Administración Tributaria, coa Axencia Tributaria de Galicia, coa Tesourería Xeral da Seguridade Social e co Concello de Carral no momento da concesión, salvo que o pago das devanditas débedas estivesen garantidas, de conformidade co disposto na Lei Reguladora das Facendas Locais.
• Non incorrer nalgunha das circunstancias que se determinan no artigo 13.2 e 13.3 da Lei 38/2003, do 17 de novembro, Xeral de Subvencións incapacitantes para obter a condición de beneficiario.
• Deben atoparse ao corrente de pago das obrigacións por reintegro de calquera subvención ou premio concedido con anterioridade por este Concello. Non poderán participar no concurso as persoas que formen parte do xurado, así como calquera outra persoa que teña un parentesco en primeiro ou segundo grao con algún membro do xurado.