Castellano
Detalle trámite
O procedemento de “solicitude de subvención” ten por obxecto xestionar e controlar as axudas e subvencións solicitadas á Entidade Local por parte de entidades sen ánimo de lucro, para a promoción e impulso de actividades culturais e as festas parroquiais, e para a protección, concienciación e divulgación ambiental.
A presentación de solicitudes farase exclusivamente a través da Sede Electrónica do Concello de Carral.
Poderán ser beneficiarios das subvencións as asociacións veciñais, culturais, organizadoras das festas patronais e outras entidades sen ánimo de lucro, que cumpran os seguintes requisitos:
- Estar legalmente constituídas.
- Que estean inscritos no Rexistro Municipal de Asociacións do Concello de Carral (REMAC), no caso de que a forma xurídica da entidade poida inscribirse.
- Ter un número mínimo de 15 socios, agás as entidades cuxa única finalidade sexa a organización das festas patronais.
- Desenvolver as súas actividades dentro do termo municipal de Carral.
- Non estar incursa en ningún dos supostos de incapacidade ou incompatibilidade para a percepción de axudas ou subvencións públicas.
- Ter domicilio social en Carral.
- Estar ao corrente das súas obrigas coa AEAT, coa Seguridade Social, coa Comunidade Autónoma de Galicia e co Concello de Carral.
De forma telemática a través do botón “Iniciar trámite”.
O prazo de presentación e do 11 ao 22 de novembro de 2024.
Para o trámite de solicitude subvención:
- ANEXO 1: Solicitude.
- ANEXO 2: Declaración doutras axudas ou ingresos.
- ANEXO 3: Certificación de representación e nº de socios.
- ANEXO 4: Declaración e compromisos da Presidencia da entidade.
- ANEXO 5: Memoria explicativa das actividades levadas a cabo no ano anterior.
- Poderase completar a documentación con calquera outra que contribúa a unha mellor descrición das actividades ou investimentos para os que solicitan a subvención (orzamentos, fotografías, memorias, carteis...).
Para a Xustificación hai que empregar o trámite achega de documentación, achegando os seguintes ficheiros:
- Bases da convocatoria de subvencións ás entidades sen ánimo de lucro do concello de Carral para a promoción e difusión da cultura e para actividades medioambientais no ano 2024.
- Extracto da convocatoria.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións para a promoción e difusión da cultura e para actividades medioambientais.
Unidade tramitadora: Departamento de Cultura Medioambiente.
Órganos instrutores: técnico municipal de Cultura e técnica municipal de Medioambiente.
Inicio do procedemento: A instancia de parte.
Tipo de interesado: Persoa xurídica (entidade non lucrativa).
Órgano de resolución: Xunta de Goberno Local.
Carácter silencio administrativo: Silencio negativo.
Prazo de resolución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Non aplica.
Canles de atención: telefónica (981 672 580) ou presencial con cita previa.
